खानापुरात उद्या रंगणार आंतरराष्ट्रीय दंगल ..!

खानापूर : खानापुरात उद्या रविवार, दिनांक 24 मे रोजी आंतरराष्ट्रीय दंगल रंगणार आहे. त्या अनुषंगाने श्री मलप्रभा क्रीडांगणावर कुस्ती आखाडा सज्ज करण्यात आला आहे.

खानापूर तालुका कुस्तीगीर संघटनेच्यावतीने या आंतरराष्ट्रीय कुस्ती स्पर्धांचे आयोजन करण्यात आले आहे. या आखाड्याचे बहुतांश काम पूर्ण झाले असून काही कामे अंतिम टप्प्यात असल्याची माहिती कुस्तीगीर संघटनेतर्फे देण्यात आली आहे.
 कुस्तीगीर संघटनेचे अध्यक्ष हनुमंत गुरव, सचिव सदानंद होसूरकर, माजी अध्यक्ष लक्ष्मण बामणे, माजी अध्यक्ष पांडुरंग पाटील, प्रकाश मजगावी, राजाराम गुरव, अर्जुन देसाई, अमोल बेळगावकर तसेच संघटनेच्या ईतर सदस्यांनी आज कुस्ती आखाड्याची पाहणी केली. 

#khanapur
#kustiakhada