बजरंग दल व विहिप तर्फे हनुमान जयंतीदिनी खानापुरात भव्य शोभायात्रा

खानापूर (bn7 news) : विश्व हिंदू परिषद आणि बजरंग दल खानापूर तालुका यांच्या संयुक्त विद्यमाने हनुमान जन्मोत्सवानिमित्त दिनांक 12 एप्रिल रोजी खानापूर शहरात शोभायात्रेचे आयोजन करण्यात आले आहे.

प्रत्येक वर्षीप्रमाणे यंदाही हनुमान जयंतीनिमित्त खानापूरमध्ये ही शोभायात्रा भव्यतेने साजरी करण्यात येणार आहे. ही शोभायात्रा शनिवारी 12 रोजी दुपारी 4 वाजता जांबोटी क्रॉस येथील मलप्रभा क्रीडांगण येथून सुरू होऊन जांबोटी क्रॉस रोड, राजा शिव छत्रपती चौक मार्गे, स्टेशन रोडने चिर्मुरकर गल्लीतील ज्ञानेश्वर मंदिर येथे यात्रेची सांगता होणार आहे.

या शोभायात्रेत भगवान श्रीराम व श्री हनुमान यांच्या जीवनावर आधारित सजवलेले रथ आकर्षणाचे केंद्रबिंदू असणार आहेत.

बजरंग दल व विश्व हिंदू परिषदेच्या वतीने आयोजित या शोभायात्रेत तालुक्यातील विविध हिंदू संघटनांच्या कार्यकर्त्यांनी सहभागी व्हावे, असे आवाहन बजरंग दल तालुका अध्यक्ष किरण अष्टेकर यांनी केले आहे.