बेळगावनगरीत 2 जून पासून  श्री राम कथेचे आयोजन

 बेळगाव : बेळगावनगरीत दिनांक  2 जून पासून  श्री राम कथेचे आयोजन करण्यात आले असून आंतरराष्ट्रीय व्याख्याते,प्रवचनकार आणि साहित्यिक डॉ. सच्चिदानंद शेवडे हे आपल्या मधुर वाणीतून  'श्रीराम कथा' सादर सांगणार आहेत.
दि. 2 जून ते दि. 7 जून या कालावधीत केळकर बाग येथील काणे महाराज राममंदिरात दररोज सायंकाळी 4.30 ते 6.30 या वेळेत ही रामकथा सादर केली जाणार आहे.
अधिक महिन्यात त्यांच्या रसाळ व मार्मिक वाणीतून रामकथा ऐकण्याचा योग बेळगावकरांना लाभणार असून श्रोत्यांनी याचा लाभ घ्यावा असे कळविण्यात आले आहे.

वाचकप्रिय असलेल्या डॉ.शेवडे यांची विविध विषयांवरील 51 पुस्तके प्रकाशित झालेली असून अनेक पुस्तकांच्या आवृत्त्या प्रकाशित झाल्या आहेत. तसेच देशाविदेशात त्यांचे सात हजारांहून अधिक व्याख्यान आणि प्रवचनांचे कार्यक्रम झाले आहेत.