22 पासून शिंदोळी महालक्ष्मी यात्रोत्सव : 30 पर्यंत चालणार यात्रा !

बेळगाव : 22 एप्रिल पासून शिंदोळी गावची महालक्ष्मी यात्रा भरविण्यात येणार आहे अशी माहिती शिंदोळी ग्रामपंचायत अध्यक्ष सतीश शहापूरकर यांनी दिली आहे. परमपूज्य श्री नागेंद्र महास्वामीजी यांच्या दिव्य सानिध्यात हा यात्रा महोत्सव संपन्न होणार असल्याचेही त्यांनी आयोजित पत्रकार परिषदेत बोलताना सांगितले.

22 एप्रिल पासून सुरू होणारी ही यात्रा 30 एप्रिल पर्यंत चालणार आहे.. श्री महालक्ष्मी, श्री दुर्गादेवी आणि श्री मसनाई देवी यांची ही यात्रा तब्बल 14 वर्षानंतर होत आहे.
दिनांक 23 एप्रिल आणि 24 एप्रिल रोजी गावातून श्री महालक्ष्मी देवीची सवाद्य रथ यात्रा काढली जाणार आहे. या कार्यक्रमाला बेळगावच्या कारंजी मठाचे श्री गुरु सिद्धमास्वामीजी तसेच हुक्केरी मठाचे श्री चंद्रशेखर महास्वामीजी उपस्थित राहणार आहेत.
24 एप्रिल रोजी देवीची ओटी भरण्याचा कार्यक्रम होणार आहे. या दिवशी सकाळी नऊ वाजता विशेष कार्यक्रमाचे आयोजन करण्यात आले आहे. या कार्यक्रमाला महिला आणि बालकल्याण खात्याच्या मंत्री लक्ष्मी हेबाळकर उपस्थित राहणार आहेत. यानंतर ओटी भरण्याचा कार्यक्रम होणार आहे.

यात्रा उत्सव मोठ्या उत्साहात साजरा करण्यासाठी शिंदोळी ग्रामपंचायत, गावातील संघ संस्था, पंचमंडळ आणि युवक व महिला मंडळे विशेष प्रयत्नशील आहेत.