बेळगाव नगरीत 28 डिसेंबरला जिल्हास्तरीय शरीरसौष्ठव स्पर्धा

बेळगाव : बेळगाव जिल्हा बॉडी बिल्डर्स असोसिएशनच्या वतीने शनिवार, 28 डिसेंबर 2024 रोजी सायंकाळी 4.00 वाजता "मि. बेळगाव-2024" जिल्हास्तरीय बॉडी बिल्डिंग स्पर्धेचे आयोजन करण्यात आले आहे.
धर्मवीर छ. श्री संभाजी मैदान, महाद्वार रोड, बेळगाव येथे या स्पर्धा होणार आहेत.

स्पर्धेतील प्रत्येक गटातील पहिल्या ते पाचव्या क्रमांकाच्या विजेत्यांना अनुक्रमे रु. 5000/-, रु. 4000/-, रु. 3000/-, रु. 2000/- आणि रु. 1500/- असे रोख बक्षीस दिले जाणार आहे. तसेच, "मि. बेळगाव-2024" विजेत्याला रु. 11,000/- आणि उपविजेत्याला रु. 7000/- रोख रक्कम पुरस्कार, पदक, प्रमाणपत्र, आकर्षक पारितोषिक आणि सॅश बेल्ट देऊन गौरविण्यात येणार आहे.

या स्पर्धेसंदर्भात अधिक माहितीकरिता अनील अंबरोळे, मोबाईल क्रमांक 93424 62306, राजेश लोहार, मोबाईल क्रमांक 89715 97642 अथवा विजय चौगुले, मोबाईल क्रमांक 9964780696 यांच्याशी संपर्क साधावा असे कळविण्यात आले आहे.