वैद्यकीय विद्यार्थ्यांना टॅबचे वितरण

बेळगाव : बिम्स (BIMS) वैद्यकीय संस्थेमध्ये अनुसूचित जाती (SC) व अनुसूचित जमाती (ST) प्रवर्गातील विद्यार्थ्यांना शासनाकडून मंजूर करण्यात आलेल्या टॅबचे वितरण करण्यात आले.

आमदार आसिफ  (राजू)  सेठ यांच्या नेतृत्वाखाली एमबीबीएस, बीएससी नर्सिंग, जीएनएम नर्सिंग तसेच पॅरामेडिकल अभ्यासक्रमांच्या विद्यार्थ्यांना टॅब वाटप करण्यात आले.
या उपक्रमांतर्गत एकूण 149 विद्यार्थ्यांना टॅब देण्यात आले. प्रत्येक टॅबची किंमत सुमारे 26 हजार रुपये असल्याची माहिती देण्यात आली आहे.
यावेळी युवा नेते आमन सेठ, बिम्सचे संचालक डॉ. अशोक कुमार शेट्टी, मुख्य प्रशासकीय अधिकारी रेश्मा तालिकोटी, मुख्य लेखाधिकारी शिल्पा, तसेच ईरन्ना पल्लेद, प्राध्यापक, कर्मचारी आणि विद्यार्थी मोठ्या संख्येने उपस्थित होते.