रोहित शर्मा, शार्दुल ठाकूर यांना प्रशिक्षण देणारे क्रिकेट प्रशिक्षक दिनेश लाड यांची बेळगावला धावती भेट

रोहित शर्मा, शार्दुल ठाकूर यांना प्रशिक्षण देणारे क्रिकेट प्रशिक्षक दिनेश लाड यांची बेळगावला धावती भेट

बेळगाव : मुंबईचे नामवंत क्रिकेट प्रशिक्षक दिनेश लाड यांनी बेळगाव शिक्षण सोसायटीच्या आवारातील बेळगाव स्पोर्ट्स क्लबच्या प्रशिक्षण केंद्राला धावती भेट देऊन नवोदित खेळाडूंना मार्गदर्शन केले.
यावेळी सोसायटीचे चेअरमन आणि बेळगाव स्पोर्ट्स क्लबचे अध्यक्ष अविनाश पोतदार, स्पोर्ट्स क्लबचे कार्यकारी अध्यक्ष दीपक पवार यांच्या हस्ते दिनेश लाड यांचा सत्कार करण्यात आला.
यानंतर अविनाश पोतदार यांनी बेळगाव क्रिकेटच्या गौरवशाली इतिहासाबद्दल आणि वाटचालीबद्दल माहिती देऊन जुन्या खेळाडूंच्या योगदानाचा गौरव केला. ' रोहित शर्मा, शार्दुल ठाकूर, सिद्धेश लाड यासारख्या खेळाडूंना दिनेश लाड यांनी कसे घडविले ' याची माहिती देताना
त्यांच्या कार्याची दखल घेऊन महाराष्ट्र सरकारने त्यांचा छत्रपती शिवाजी महाराज पुरस्कार तर भारत सरकारने द्रोणाचार्य पुरस्कार देऊन गौरव केला आहे "अशी माहितीही अविनाश पोतदार यांनी यावेळी दिली
सत्काराला उत्तर देताना दिनेश लाड यांनी खेळाडूंनी यशस्वी होण्यासाठी परिश्रम घेणे किती महत्त्वाचे आहे हे सांगितले. खेळाडूंच्या जडणघडणीत पालकांचा व प्रशिक्षकांचा कसा सहभाग असावा याबद्दलही त्यांनी मार्गदर्शन केले. बेळगाव स्पोर्ट्स क्लबच्या कार्याची स्तूती करून त्यांची वाटचाल गौरवशाली असेल अशी अशा त्यांनी व्यक्ती केली.
यावेळी दिनेश लाड यांच्या हस्ते जुने खेळाडू ज्ञानेश्वर श्रेयकर यांचा बॅट देऊन सत्कार करण्यात आला.
याप्रसंगी बी के मॉडेल शाळेचे मुख्याध्यापक एस. एम. जोशी, रवी घाटगे, बाळकृष्ण पाटील, विजयकुमार पाटील, विठ्ठल भट्ट ,आनंद करडी या मान्यवरासह युवा खेळाडू व पालक मोठ्या संख्येने उपस्थित होते.