पोलीस कॉन्स्टेबलचा मृत्यू

बागलकोट : हृदयविकाराने त्रस्त असलेल्या एका पोलीस कॉन्स्टेबलचे उपचारादरम्यान बेळगाव येथील खासगी रुग्णालयात निधन झाले.

गौरीशंकर बिरादार (वय 40) असे निधन पावलेल्या पोलीस कॉन्स्टेबलचे नाव आहे. ते रबकवी-बनहट्टी पोलीस ठाण्यात कार्यरत होते. 
गेल्या काही दिवसांपासून ते हृदयविकाराने आजारी होते. त्यांच्यावर बेळगावमधील एका खासगी रुग्णालयात उपचार सुरू होते. मात्र, उपचारांना प्रतिसाद न मिळाल्याने त्यांची रुग्णालयातच प्राणज्योत मालवली.
त्यांच्या पश्चात पत्नी आणि तीन मुले असा परिवार आहे.

 गौरीशंकर बिरादार हे बागलकोट जिल्ह्यातील जमखंडी तालुक्यातील गोठे गावचे रहिवासी होते.
त्यांचे पार्थिव आज त्यांच्या मूळ गावी नेण्यात येत असून, गोठे येथील हिंदू स्मशानभूमीत सायंकाळी शासकीय इतमामात अंत्यसंस्कार करण्यात येणार असल्याचे सांगण्यात येते.