चिक्कोडी: पंतप्रधान नरेंद्र मोदी यांच्या ' इंधन बचाव ' आवाहनाला साद देत चिक्कोडीचे जिल्हा शिक्षणाधिकारी कार्यालयाला चक्क सायकलने आले.
इंधनाचा काटकसरीने वापर करण्यासाठी खाजगी वाहनांना फाटा देण्याचे तसेच सार्वजनिक वाहतुकीचा अधिकाधिक वापर करण्याचे आवाहन पंतप्रधान नरेंद्र मोदी यांनी लोकप्रतिनिधी तसेच सरकारी अधिकारी आणि कर्मचाऱ्यांना केले होते. या आवाहनानुसार चिक्कोडीचे जिल्हा शिक्षणाधिकारी सीतारामू यांनी आपल्या सरकारी वाहनाला दूर ठेवत डीडीपीआय कार्यालयाला येण्यासाठी चक्क सायकलचा वापर चालविला आहे. ते आता दररोज सायकलवरून आपल्या कार्यालयात येत आहेत.
पंतप्रधान मोदी यांच्या इंधन वाचवा या आवाहनानुसार देशातील अनेक मुख्यमंत्री, केंद्रीय मंत्री तसेच विविध राज्यांतील नेते आणि अधिकारी हे कार्यालयीन कामकाजासाठी दुचाकी, मेट्रो आणि परिवहन महामंडळाच्या बसचा वापर करत असल्याचे दिसून येत आहे. त्याच धर्तीवर चिक्कोडी शैक्षणिक जिल्ह्याचे डीडीपीआय सीतारामू यांनीही सरकारी वाहनांचा वापर टाळत सायकलने प्रवास करण्याचा निर्णय घेऊन ते ये-जा करण्यासाठी सायकल वापरत आहेत. जागतिक इंधन टंचाईच्या पार्श्वभूमीवर इंधनाची बचत करणे ही काळाची गरज असल्याचे त्यांनी याबद्दल बोलताना म्हटले आहे.
इतर सरकारी अधिकाऱ्यांनीही बस सेवा आणि सायकलचा वापर करून इंधन बचतीस
