कुडचीत शिक्षकांसाठी योग प्रशिक्षण कार्यशाळेचे आयोजन

कुडची  : ' प्रत्येकाने योग, ध्यान आणि प्राणायामाचा अवलंब करून तसेच शिस्तबद्ध आहारपद्धती अंगीकारून अनेक आजारांपासून दूर राहून सुदृढ शरीर मिळवू शकतो ',असे मत रायबागचे गट शिक्षणाधिकारी आर. बसवराजप्पा यांनी व्यक्त केले.

कुडची येथील अजित बाने कन्नड व नवीन माध्यमिक विद्यालयात क्षेत्र शिक्षणाधिकारी कार्यालय, चिक्कोडी शैक्षणिक जिल्हा आणि आयुष विभाग यांच्या संयुक्त विद्यमाने आयोजित एकदिवसीय योग प्रशिक्षण कार्यशाळेचे उद्घाटन रोपाला पाणी घालून करण्यात आले. यावेळी ते बोलत होते.
बसवराजप्पा म्हणाले, "विद्यार्थ्यांना योग आणि योग्य आहारपद्धतीचे महत्त्व समजावून सांगून त्यांना आंतरराष्ट्रीय स्तरावरील योगपटू म्हणून घडविण्यासाठी शिक्षकांनी प्रयत्न करावेत."
यावेळी तालुका शारीरिक शिक्षण पर्यवेक्षक महावीर जिरग्याळ, डॉ. एस. जी. दानोळी, डॉ. आरती, डॉ. विजयलक्ष्मी श्रीधर मोरबद, डॉ. उमेश होनकांबळे, डॉ. सुमित पुजारी, अंबिका कांबळे, प्रशासकीय अधिकारी ए. एस. टोनणे, मुख्याध्यापक एस. पी. कांबळे तसेच एस. एम. जमादार, झेड. आर. मुल्ला, बी. एस. अंदानी, एम. डी. बनाज, व्ही. डी. आदी उपस्थित होते.