गुड शेफर्ड सेंट्रल स्कूल आयोजित सीबीएसई दक्षिण विभागीय स्केटिंग स्पर्धेचे उदघाटन थाटात

बेळगाव ( bn7 news) : येथील गुड शेफर्ड सेंट्रल स्कूल आयोजित दक्षिण विभागीय सीबीएसई शालेय स्केटिंग स्पर्धेचे रिंक रेस स्केटिंग प्रकारचे उदघाटन शिवगंगा स्पोर्ट्स क्लब रिंकवर तर रोड रेस स्केटिंग प्रकारचे उदघाटन आदर्श विद्या मंदीर, वडगाव रोड (ग्रामीण पोलीस स्टेशन जवळ) येथे करण्यात आले.

केरळ, महाराष्ट्र, गोवा,दिव दमण, कर्नाटक येथून सुमारे 2000 हून अधिक स्केटिंग पटू या स्पर्धेत सहभागी झाले आहेत.

गुड शेफर्ड सेंट्रल स्कूलच्या विद्यार्थ्यांनी डान्स शो व देशभक्तीपर गीत म्हणून या कार्यक्रमाची सुरुवात केली. यानंतर सौ. प्रेरणा घाटगे (मॅनेजिंग डायरेक्टर, गुड शेफर्ड सेंट्रल स्कूल) यांच्या हस्ते या स्पर्धेचे उदघाटन करण्यात आले.
यावेळी शाळेच्या मुख्याध्यापिका प्रचिती आंबेकर, इंदुधर सीताराम (सेक्रेटरी , कर्नाटक रोलर स्केटिंग असोसिएशन) जयकुमार, उमेश कलघटगी, ज्योती चिंडक, सीबीएसई, निरीक्षक एच. आर. रविश, सौ आशा इंदूधर , मुख्य पंच स्मृती, स्केटिंग प्रशिक्षक सूर्यकांत हिंडलगेकर, निखिल चिंडक, विश्वनाथ येळ्ळूरकर, इम्रान बेपारी यासह इतर मान्यवर उपस्थित होते.