हार्ट अटॅकने बॉडीबिल्डरचा मृत्यू

दावणगेरे :  हृदयविकाराच्या झटक्याने एका शरीरसौष्ठवपटूचा मृत्यू झाल्याची दुर्दैवी घटना दावणगेरे येथे घडली.

 सुशील कुमार (वय 26, राहणार : केटीसी नगर) असे हृदयविकाराच्या झटक्याने मृत्यू झालेल्या शरीरसौष्ठवपटूचे नाव आहे. 
सुशील कुमार हे बॉडीबिल्डिंग क्षेत्रात सक्रिय होते. त्यांनी राज्य आणि राष्ट्रीय स्तरावरील अनेक स्पर्धांमध्ये भाग घेत अनेक पुरस्कार पटकावले होते.
मिळालेल्या माहितीनुसार, सकाळी जिममधील व्यायाम पूर्ण करून घरी परतल्यानंतर ते अचानक कोसळले. त्यांना तातडीने रुग्णालयात दाखल करण्यात आले. मात्र, डॉक्टरांनी त्यांना मृत घोषित केले.
सुदृढ आणि तंदुरुस्त म्हणून ओळख असलेल्या सुशील कुमार यांच्या आकस्मिक निधनाने कुटुंबीयांसह मित्रपरिवार आणि क्रीडा क्षेत्रात हळहळ व्यक्त होत आहे.