महागाईविरोधात भाजपचे आंदोलन !

बेंगळुर : वाढती महागाई आणि काँग्रेस सरकारच्या धोरणांविरोधातील कर्नाटक भाजपने राज्यस्तरावर आंदोलन छेडले होते.
माजी मुख्यमंत्री आणि भाजप नेते बी. एस. येडियुरप्पा आणि भाजपचे राज्याध्यक्ष बी. वाय. विजयेंद्र यांच्या नेतृत्वाखाली बेंगळूरच्या फ्रीडम पार्क येथे हे आंदोलन छेडण्यात आले होते.

भाजपने सरकारवर आरोप केला आहे की, नवीन कर आणि शुल्कांमुळे नागरिकांवर अतिरिक्त आर्थिक भार पडत आहे. बेंगळुर महापालिकेने कचरा कर लावला असून, डिझेलवरील कर वाढवण्यात आला आहे. याशिवाय, दूधाचे दर प्रतिलिटर 4 रुपये वाढवण्यात आले आहेत. यामुळे सर्वसामान्य नागरिक अडचणीत आले आहेत.
या पार्श्वभूमीवर, राज्य भाजपने काँग्रेस सरकारवर जनतेच्या समस्यांकडे दुर्लक्ष केल्याचा आरोप करीत वाढती महागाई आणि काँग्रेस सरकारच्या धोरणांविरोधातील आंदोलन छेडले.

यावेळी भाजप कार्यकर्त्यांनी काँग्रेस सरकार विरोधात घोषणाबाजी करून निषेध केला.