अंगावर झाड पडून दुचाकीस्वाराचा मृत्यू 

रामनगर : अंगावर झाड पडून दुचाकीस्वाराचा मृत्यू  झाला. प्रशांत (वय 19) असे मृत तरुणाचे नाव आहे. रामनगर तालुक्यातील हुनसनहळ्ळी गावाजवळ ही घटना घडली.

प्रशांत हा रामनगर तालुक्यातील नागोहळ्ळी गावचा रहिवासी होता. तो नेहमीप्रमाणे कामासाठी सकाळी दुचाकीवरून  रामनगरकडे  निघाला होता. यावेळी पावसामुळे कमकुवत झालेले झाड कोसळून दुचाकीवरून जाणाऱ्या प्रशांत याच्या अंगावर पडले आणि या घटनेत गंभीर जखमी झालेल्या प्रशांतचा जागीच मृत्यू झाला.
घटनेची माहिती मिळताच रामनगर ग्रामीण पोलिसांनी घटनास्थळी भेट देऊन पाहणी केली. मृतदेह जिल्हा रुग्णालयात शवविच्छेदनासाठी पाठविण्यात आला आहे.
या प्रकरणी रामनगर ग्रामीण पोलीस ठाण्यात गुन्हा दाखल करण्यात आला असून पुढील तपास सुरू आहे.