बेळगाव : बेळगाव महानगरपालिकेने बापट गल्ली आणि क्लब रोड येथील सशुल्क कार पार्किंग सुविधांच्या संचालनासाठी लिलाव निविदा मागविल्या आहेत.
महापालिकेच्या माहितीनुसार, या निविदांचा लिलाव जून महिन्याच्या दुसऱ्या आठवड्यात आयोजित करण्यात येणार आहे.
निविदेच्या अटींनुसार पार्किंग शुल्क निश्चित करण्यात आले असून, बापट गल्ली येथे चारचाकी वाहनांसाठी प्रत्येक तीन तासांसाठी 50 रुपये, तर क्लब रोड येथे प्रत्येक तीन तासांसाठी 20 रुपये शुल्क आकारले जाणार आहे.
वाहनचालकांच्या सोयीसाठी मंजूर पार्किंग शुल्काची माहिती संबंधित पार्किंग स्थळांवर ठळकपणे दर्शविणारे फलक लावणे बंधनकारक करण्यात आले असल्याचे महापालिकेने स्पष्ट केले आहे.
या उपक्रमामुळे शहरातील वाहन पार्किंग व्यवस्थेला शिस्त लागण्यास मदत होणार असून, नागरिकांना अधिक सुव्यवस्थित सुविधा उपलब्ध होण्याची अपेक्षा व्यक्त केली जात आहे.
#belgaum
#citycorporation
#Parking
