हृदयविकाराच्या झटक्याने 6 वर्षीय बालकाचा मृत्यू ..!

शिवमोग्गा : हृदयविकाराच्या झटक्याने 6 वर्षीय बालकाचा मृत्यू झाला. सागर तालुक्यातील हाळससी गावातील शालेय आवारात ही दुर्दैवी घटना घडली आहे.

त्रिलोक जैन असे मृत बालकाचे नाव आहे. तो कोडनवल्ली गावातील गौतम जैन आणि शिल्पा जैन यांचा मुलगा होता. तो हाळससी येथील सरकारी वरिष्ठ प्राथमिक शाळेत इयत्ता पहिलीत शिक्षण घेत होता.
शनिवारी दुपारी शाळा सुटण्याच्या सुमारास तो शाळेच्या आवारात अचानक कोसळला. त्याला तातडीने रुग्णालयात नेण्यात आले; मात्र वाटेतच त्याचा मृत्यू झाल्याचे सांगण्यात आले.
एकुलत्या मुलाच्या निधनाने कुटुंबीयांवर दुःखाचा डोंगर कोसळला असून या घटनेने हळहळ व्यक्त होत आहे. गावकरी, शाळा विकास समितीचे सदस्य तसेच मुख्याध्यापकांनी त्रिलोकच्या निधनाबद्दल शोक व्यक्त केला आहे.