50 लाख खर्चाच्या विकासकामांना मुतगा गावात चालना

बेळगाव : बेळगाव ग्रामीण मतदारसंघातील मुतगा गावातील शिवाजी गल्ली आणि एक्सटेंशन परिसरात सुमारे 50 लाख रुपये खर्चून निर्माण करण्यात येणाऱ्या रस्ते कामाचा भूमिपूजन करून अधिकृतपणे रस्ते निर्माण कामाचा शुभारंभ करण्यात आला.

याप्रसंगी स्थानिक लोकप्रतिनिधी आणि युवा काँग्रेसचे नेते मृणाल हेब्बाळकर उपस्थित होते. मान्यवरांच्या हस्ते भूमिपूजन करून कामाला चालना देण्यात आली.

मतदारसंघातील प्रत्येक गावाला मूलभूत सुविधा पुरविणे आणि चांगले रस्ते निर्माण करून गावकऱ्यांचे ये-जा सुलभ करणे, हा मंत्री लक्ष्मी हेब्बाळकर यांचा निर्धार आहे. त्याच अनुषंगाने हे रस्त्याचे काम हाती घेण्यात आले असल्याचे यावेळी सांगण्यात आले.
प्रत्येक गावापर्यंत विकासाची गंगा पोहोचवून ग्रामविकास करणे आणि लोकांना सर्व त्या मूलभूत सुविधा पुरविण्यासाठी मंत्री आणि ग्रामीणच्या आमदार लक्ष्मी हेब्बाळकर यांचे उद्दिष्ट असल्याचे युवा काँग्रेसचे नेते मृणाल हेब्बाळकर यावेळी बोलताना म्हणाले.
याप्रसंगी गावातील ज्येष्ठ नागरिक, स्थानिक रहिवासी, पक्षाचे नेते आणि कार्यकर्ते उपस्थित होते.