नवनिर्वाचित महापौर मंगेश पवार यांचा वर्गमित्रांकडून सन्मान

बेळगाव : बेळगाव महापालिकेचे नवनिर्वाचित महापौरपदी मंगेश पवार तसेच कर्नाटक राज्य बॉडी बिल्डिंग असोसिएशन कार्याध्यक्षपदी निवड झालेले अनिल अंबरोळे यांचा आदर्श विद्यामंदिर हायस्कूल वडगाव येथील वर्ग मित्रांकडून सत्कार करण्यात आला.

सरस्वती रोड शहापूर येथे आयोजित करण्यात आलेल्या कार्यक्रमाला आदर्श विद्यामंदिर हायस्कूलचे एनसीसी शिक्षक सहदेव रेडेकर प्रमुख अतिथी म्हणून उपस्थित होते. त्यांच्या हस्ते महापौर मंगेश पवार तसेच अनिल अंबरोळे यांना पुष्पगुच्छ देऊन गौरविण्यात आले.
शहराच्या सर्वांगीण विकासाबरोबर, जनतेच्या अडीअडचणी सोडविण्यासाठी आपण कटिबद्ध असल्याचे महापौर मंगेश पवार यांनी यावेळी बोलताना सांगितले. यांनी युवा पिढीला व्यसनापासून दूर नेण्यासाठी आम्ही प्रयत्न करत आहोत. तरुणांना व्यायामाची आवड लागावी यासाठी विविध उपक्रम राबवत असल्याचे अनिल अंबरोळे यावेळी बोलताना म्हणाले. सहदेव रेडेकर यांनी यावेळी समयोचीत मार्गदर्शन केले तसेच दोघांना शुभेच्छा दिल्या.
या कार्यक्रमाला आदर्श ग्रुपचे सदस्य उपस्थित होते.