उद्या डी. के. शिवकुमार घेणार मुख्यमंत्रीपदाची शपथ

बेंगळूर : कर्नाटकचे नवे मुख्यमंत्री म्हणून डी. के. शिवकुमार (D. K. Shivakumar) उद्या बुधवारी शपथ घेणार आहेत. लोकभवन येथे होणाऱ्या साध्या समारंभात ते मुख्यमंत्रीपदाची सूत्रे स्वीकारतील. 

या कार्यक्रमासाठी मान्यवरांना तीन प्रकारचे पास वितरित करण्याची तयारी करण्यात आली आहे.
लोकभवनातील ग्लास हाऊसमध्ये सायंकाळी 4.05 वाजता शपथविधी समारंभ पार पडणार आहे. कार्यक्रमाच्या तयारीला अंतिम स्वरूप देण्यात आले असून  या शपथ विधी सोहळ्याला स्वामीजी, चित्रपटसृष्टीतील कलाकार, आमदार, माजी मंत्री यासह विविध क्षेत्रांतील मान्यवर उपस्थित राहणार आहेत. 
कार्यक्रमात सहभागी होणाऱ्या प्रमुख नेत्यांच्या कुटुंबीयांसाठी आणि समर्थकांसाठी स्वतंत्र आसनव्यवस्था करण्यात आली आहे. अतिमहत्त्वाच्या व्यक्ती (VVIP), महत्त्वाच्या व्यक्ती (VIP) आणि सर्वसामान्यांसाठी स्वतंत्र पासची व्यवस्था करण्यात आली असून, उपस्थितांनी दुपारी 2 वाजण्यापूर्वी लोकभवनात पोहोचावे, असे आवाहन करण्यात आले आहे.
कोणताही आवडंबर न करता साधेपणाने हा शपथविधी सोहळा पार पडणार आहे. दरम्यान, उद्या होणाऱ्या या कार्यक्रमाच्या अंतिम तयारीची पाहणी राज्यपाल थावरचंद गेहलोत (Thawar Chand Gehlot) यांनी देखील केली आहे.

#DKShivkumar 
#ThavarchandGehlot 
#dkshioathceremony