बेळगाव जिल्हा माजी सैनिक महासंघाची त्रैमासिक बैठक उद्या

बेळगाव : जिल्ह्यातील माजी सैनिक संघटनांच्या महासंघाची 2026 सालातील द्वितीय त्रैमासिक बैठक शनिवारी दि. 20 जून गोकाक तालुक्यातील कळ्ळोळी येथे आयोजित करण्यात आली आहे. याबाबत महासंघाचे जिल्हाध्यक्ष जगदीश पूजेरी यांनी प्रसिद्धीपत्रकाद्वारे माहिती दिली आहे.
महासंघाच्या कार्यक्षेत्रातील 60 हून अधिक मित्र संघटनांचे अध्यक्ष, पदाधिकारी तसेच जिल्ह्यातील शेकडो माजी सैनिक या महत्त्वपूर्ण बैठकीत सहभागी होणार आहेत.  भविष्यात संघटनात्मक पातळीवर राबविण्यात येणाऱ्या विविध लोकहिताच्या उपक्रमांबाबत तसेच आगामी योजनांवर बैठकीत सविस्तर चर्चा करून महत्त्वपूर्ण निर्णय घेण्यात येणार असल्याचे त्यांनी सांगितले.
जिल्ह्यातील सर्व माजी सैनिक तसेच संघटनेचे पदाधिकारी यांनी वेळेत उपस्थित राहून बैठक यशस्वी करण्याचे आवाहनही प्रसिद्धीपत्रकाद्वारे करण्यात आले आहे.