बेळगावसह अनेक जिल्ह्यात मुसळधार पावसाची शक्यता ...! देण्यात आलाय ऑरेंज अलर्ट

बेळगाव : बेळगावसह कर्नाटकातील अनेक जिल्ह्यात मुसळधार पाऊस पडण्याची शक्यता हवामान खात्याने वर्तवली आहे.

उत्तर प्रदेशपासून ते तमिळनाडूपर्यंत कमी दाबाचे पट्टे निर्माण झाले असून निर्माण झालेल्या या कमी दाबाच्या पट्ट्यामुळे बेळगावसह कर्नाटकमधील अनेक जिल्ह्यांमध्ये पुढील तीन दिवस मुसळधार पावसाची शक्यता हवामान खात्याकडून वर्तविण्यात आली आहे.

बेळगावसह बीदर, धारवाड, गुलबर्गा, दक्षिण कन्नड, उडुपी, उत्तर कन्नड, बेंगळूर ग्रामीण, बेंगळूर शहर, चामराजनगर, हसन, कोलार, मंड्या, म्हैसूर, रामनगर आणि तुमकूर या जिल्ह्यांमध्ये पाऊस पडण्याची शक्यता वर्तविण्यात आली असून विजांसह जोरदार पावसाची शक्यता गृहीत धरून पुढील तीन दिवस या भागांना ऑरेंज अलर्ट देण्यात आला आहे. इतर भागाच्या तुलनेत बेंगळूरमध्ये दमदार पाऊस पडण्याची शक्यता खात्याने व्यक्त केली आहे.