सरकारच्या गॅरंटी योजना बंद होणार नाहीत ....!

बेंगळूर : काँग्रेस सरकारच्या जनकल्याणकारी गॅरंटी योजनांपैकी गृहलक्ष्मी आणि गृहज्योती या योजना कोणत्याही परिस्थितीत बंद करण्यात येणार नाहीत, असे कर्नाटक राज्याचे मुख्यमंत्री डी. के. शिवकुमार यांनी सांगितले आहे.

 गृहलक्ष्मी आणि गृहज्योती या काँग्रेस सरकारच्या जनकल्याणकारी योजना बंद केल्या जात आहेत, अशी अफवा  विरोधकांकडून पसरवली जात असून दिशाभूल करणाऱ्या या अफवात्मक प्रचारावर नागरिकांनी विश्वास ठेवू नये, असे आवाहन डी. के. शिवकुमार (D. K. Shivakumar) यांनी केले आहे.

 "गॅरंटी आहे, गॅरंटी राहील ! गॅरंटी योजना बंद होणार नाहीत, नागरिकांनी कोणतीही चिंता करू नये," असे यासंदर्भात डिकेशींनी सामाजिक माध्यमावर पोस्ट करत स्पष्ट केले आहे.
काहीजण मृत व्यक्तींच्या नावाने बनावट कागदपत्रे तयार करून योजनांचा लाभ घेत असल्याचे सरकारच्या निदर्शनास आले आहे. त्यामुळे खऱ्या लाभार्थ्यांची नावे, पत्ते आणि बँक खात्यांची माहिती पडताळून पाहण्यासाठी पुनर्पडताळणी प्रक्रिया सुरू करण्यात आली आहे.
ही प्रक्रिया योजना बंद करण्यासाठी नसून, पात्र लाभार्थ्यांपर्यंत योजनांचे लाभ योग्यरित्या पोहोचावेत यासाठी करण्यात येत असल्याचे त्यांनी स्पष्ट केले. त्यामुळे लाभार्थ्यांनी कोणतीही चिंता करू नये. सर्व गॅरंटी योजना पूर्वीप्रमाणेच सुरू राहतील, असेही मुख्यमंत्री  डी. के. शिवकुमार यांनी म्हटले आहे.

#DKShivakumar
#guaranteescheme
#KarnatakaGovt