बी.के. हरिप्रसाद यांच्या खांद्यावर केपीसीसी अध्यक्षपदाची धुरा ?

बेंगळूर  : तब्बल आठवडाभर केपीसीसी अध्यक्षपदाची चर्चा राजकीय वर्तुळात रंगली. सतीश जारकीहोळी हेच प्रदेशाध्यक्ष होतील, असा विश्वास अनेकांना होता. अनेकांनी यासाठी देव पाण्यात ठेवले होते. अशातच एक व्यक्ती एक पद ही हायकामांडची समोर आली आणि माशी शिंकली.

केपीसीसी अध्यक्षपदी आपलीच वर्णी लागणार असे ठामपणे वाटणाऱ्या सतीश जारकीहोळी यांचा विश्वास ' एक व्यक्ती एक पद ' या हायकमांडच्या सूचना वजा आदेशाने डगमगला. त्यानंतर सतीश जारकीहोळी यांनी आपण हायकमांडसमोर आपले मत मांडले आहे. पण, अंतिम निर्णय हा हायकमांडचा असेल,आणि तो मला मान्य करावा लागेल असे सांगून हे पद आपल्याला कदाचित मिळणार नाही, हे अप्रत्यक्षरीत्या सांगून दिले.

कर्नाटक प्रदेश काँग्रेस समिती (केपीसीसी) अध्यक्ष डी.के. शिवकुमार यांनी मुख्यमंत्रीपदाची धुरा खांद्यावर घेतल्यानंतर, त्यांच्या मुख्यमंत्रीपदामुळे रिक्त झालेल्या कर्नाटक प्रदेश काँग्रेस समिती (केपीसीसी) अध्यक्षपदी आता विधान परिषदेचे सदस्य बी.के. हरिप्रसाद यांची नियुक्ती करण्यात येत आहे.
केपीसीसी अध्यक्षपदासाठी प्रयत्नशील असलेले मंत्री सतीश जारकीहोळी यांना मात्र हे पद मिळाले नाही. मंत्रिपदासोबतच प्रदेशाध्यक्षपदाची मागणी त्यांनी केली होती. मात्र, काँग्रेस हायकमांडने "एक व्यक्ती – एक पद" हे धोरण स्पष्ट करत त्यांची मागणी नाकारली.
त्यामुळे सतीश जारकीहोळी यांनी मंत्रिपदाची निवड केली असून, प्रदेशाध्यक्षपदाची जबाबदारी बी.के. हरिप्रसाद यांच्याकडे सोपविण्यात येत आहे.

#KPCCPresident 
#BKHariprasad