' त्या ' खून प्रकरणी एका अल्पवयीनासह 5 जणांना अटक

बेळगाव  :मजगाव येथील राहुल तलवार या 22 वर्षीय युवकाच्या खून प्रकरणी बेळगाव ग्रामीण पोलिसांनी अवघ्या 24 तासात 5 जणांना ताब्यात घेतले आहे. 
कारच्या खरेदी व्यवहारानिमित्त राहुल तलवार ( राहणार : तानाजी गल्ली, मजगाव-बेळगाव) याला हुंच्यानट्टी गावाच्या बाहेरील निर्जन भागात बोलावून तेथे त्याची धारदार शस्त्राने वार करून हत्या करण्यात आली होती. याप्रकरणी बेळगाव ग्रामीण पोलिस ठाण्यात तक्रार दाखल करण्यात आली होती. 
पोलिसांनी या खून प्रकरणात 14 जणांवर गुन्हा दाखल केला होता. त्यापैकी 5 जणांना ताब्यात घेण्यात आले आहे. यामध्ये एका अल्पवयीन मुलाचा समावेश आहे.

बेळगाव पोलीस आयुक्तालयामध्ये आज शुक्रवारी सकाळी आयोजित पत्रकार परिषदेमध्ये पोलीस आयुक्त बोरसे यांनी ही माहिती दिली आहे.
  बेळगाव ग्रामीण पोलीस ठाण्यामध्ये गेल्या 27 मे 2026 रोजी तानाजी गल्ली, मजगाव येथील राहुल तिप्पण्णा तळवार या 22 वर्षीय युवकाच्या खुनाची तक्रार नोंदविण्यात आली. 
 पोलिसांच्या एफआयआरमध्ये 9 आरोपींसह इतर 4 -5 जणांची नावे नोंद करण्यात आली आहेत. एफआयआर नोंद झाल्याच्या 24 तासात आमच्या बेळगाव ग्रामीण पोलीस ठाण्याच्या पथकाने 5 प्रमुख आरोपींना ताब्यात घेण्यात यश मिळविले आहे. 
सुरज सिदगवळी, योगेश दोडमनी, मंजुनाथ मुळकूर आणि देवाप्पा तळवार अशी अटक करण्यात आलेल्या 5 पैकी चौघांची नावे असून एक अल्पवयीन मुलगा आहे. या सर्वांवर कायदेशीर कारवाई केली जात आहे, असे पोलीस आयुक्त बोरसे यांनी स्पष्ट केले आहे.