तेजज्ञान फाउंडेशनच्या ध्यान रॅलीला मिळाला उत्स्फूर्त प्रतिसाद

बेळगाव : तेजज्ञान फाउंडेशन रौप्य महोत्सवी सोहळ्यानिमित्त रविवारी सकाळी चन्नमा चौकातून ध्यान मशाल रॅली काढण्यात आली. तेजज्ञान फाउंडेशनच्या या  ध्यान रॅलीला उत्स्फूर्त प्रतिसाद मिळाला.

येथील कित्तूर राणी चन्नमा सर्कल येथून ध्यान मशाल रॅलीला सुरुवात करून 3 किलोमीटर अंतर कापून रेल्वे स्टेशन बेळगाव येथे रॅलीची सांगता केली गेली.

बेळगावचे लोकायुक्त एस पी श्री हणमंतराय (IPS) तसेच राजाराम कंग्राळकर, तेजज्ञान फाउंडेशनच्या श्रीमती बीना मोहिकन यांच्या उपस्थितीत ‘ ध्यान मशाल ‘ शांतता रॅलीला चालना देण्यात आली. संस्थेचे सदस्य आणि परिसरातील लोक मोठ्या संख्येने रॅलीमध्ये सहभागी झाले होते.

संस्थेचे बेळगाव विभाग प्रमुख मनोज घैसास, तेजज्ञान फाउंडेशनचे राजकुमार बिरादार व राजेंद्र मुचंडी, अरविंद कपाड़िया, सुनंदा मंडोळकर यांच्या नेतृत्वाखाली ही रॅली काढण्यात आली होती.