बेळगाव : मच्छे येथील श्री बाल शिवाजी सार्वजनिक वाचनालयाच्या 2024-25 सालासाठी नूतन कार्यकारिणीची निवड करण्यात आली.
अध्यक्षपदी संभाजी पिराजी कणबरकर व उपाध्यक्षपदी सूर्यकांत भरमाणी मरुचे यांची सर्वानुमते निवड करण्यात आली.
संतोष जैनोजी यांच्या अध्यक्षतेखाली झालेल्या बैठकीत ही निवड करण्यात आली.
कार्यवाहपदी केतन चौगुले, खजिनदारपदी सुशील धामणेकर तर हिशोब तपासणीसपदी पुंडलिक कणबर्गी, शिवराज लाड यांची निवड करण्यात आली.
नूतन अध्यक्ष संभाजी कणबरकर हे महाराष्ट्र एकीकरण समितीचे निष्ठावंत कार्यकर्ते, मराठा समाजाचे पुरोहित, कै. पिराजी कणबरकर यांचे चिरंजीव व सामाजिक कार्यकर्ते आहेत. तर सूर्यकांत मरूचे हे शिक्षण प्रेमी तसेच सामाजिक युवा कार्यकर्ते आहेत.
या निवड प्रसंगी वासुदेव लाड, विनायक चौगुले, बजरंग धामणेकर, केतन चौगुले, प्रशांत नांदोडकर, गजानन मजुकर, शिवराज लाड तसेच वाचनालयाचे वाचक व कार्यकर्ते उपस्थित होते.
येत्या 4 डिसेंबर रोजी वाचनालयाच्या 51 व्या वर्धापनदिनी नवे कार्यकारी मंडळ अधिकार स्वीकार करणार आहे.
