बेळगावची जान्हवी चमकली राज्य मानांकन स्पर्धेत

बेळगाव, दिनांक 12 ( प्रतिनिधी) : म्हैसूर येथे पार पडलेल्या कर्नाटक रोलर स्केटिंग असोसिएशन आयोजित तिसऱ्या कर्नाटक राज्य रँकिंग रोलर स्केटिंग चॅम्पियनशिप स्पर्धेत बेळगाव जिल्हा रोलर स्केटिंग असोसिएशनची स्केटिंगपटू जान्हवी तेंडुलकर हिने कांस्यपदक पटकावले.

या स्पर्धेत 11जिल्ह्यांतील 350 हून अधिक स्केटिंगपटूंनी भाग घेतला होता.

जान्हवी तेंडुलकर ही स्केटिंग प्रशिक्षक सूर्यकांत हिंडलगेकर, योगेश कुलकर्णी, विशाल वेसने, मंजुनाथ मंडोळकर, विठ्ठल गगणे, अनुष्का शंकरगौडा आणि विश्वनाथ येळ्ळूरकर यांच्या मार्गदर्शनाखाली केएलई स्केटिंग रिंक, गुड शेफर्ड स्केटिंग रिंक आणि शिवगंगा स्पोर्ट्स क्लबच्या स्केटिंग रिंकवर स्केटिंगचा सराव करत आहे. तिला डॉ प्रभाकर कोरे, माजी आमदार शाम घाटगे, राज घाटगे, उमेश कलघटगी, प्रसाद तेंडोलकर, केआरएसएचे सरचिटणीस इंदुधर सीताराम यांचे प्रोत्साहन लाभत आहे.