बेळगाव : गोवा आणि सांगली येथे नुकत्याच झालेल्या खुल्या रोलर स्केटिंग स्पर्धेत बेळगावच्या स्केटिंगपटूंनी बाजी मारली. या स्पर्धेत 400 हून अधिक स्केटिंगपटूं सहभागी झाले होते. बेळगावच्या स्केटिंगपटूंनी यामध्ये 6 सुवर्ण, 3 रौप्य पदकांसह एकूण 9 पदके जिंकली.
स्पर्धेत जान्हवी तेंडुलकर हिने 4 सुवर्ण , आरशन माडीवाले याने 1 सुवर्ण व 3 रौप्य तर सौरभ साळोखे याने 1 सुवर्णपदक मिळविले.
हे यशस्वी स्केटिंगपटू स्केटिंग प्रशिक्षक सूर्यकांत हिंडलगेकर, योगेश कुलकर्णी, विशाल वेसणे, मंजुनाथ मंडोळकर, विठ्ठल गगणे अनुष्का शंकरगौडा, सक्षम जाधव, विश्वनाथ येळ्ळूरकर यांच्या मार्गदर्शनाखाली केएलई स्केटिंग रिंक, गुड शेफर्ड स्केटिंग रिंक शिवगंगा स्पोर्ट्स क्लब येथे स्केटिंगचा सराव करत आहेत.
या स्केटिंगपटूंना डॉ प्रभाकर कोरे, माजी आमदार शाम घाटगे, राज घाटगे, उमेश कलघटगी, प्रसाद तेंडोलकर, इंदुधर सीताराम (सरचिटणीस केआरएसए) यांचे प्रोत्साहन लाभत आहे.