दुसऱ्या खुल्या इंडिया स्केट गेम्समध्ये चमकले बेळगावचे स्केटिंगपटूं : पटकविली 8 पदके

बेळगाव, दिनांक 19 ( प्रतिनिधी) : रोलर स्केटिंग फेडरेशन ऑफ इंडिया आयोजित दुसऱ्या खुल्या राष्ट्रीय इंडिया स्केट गेम्स स्पर्धेत बेळगाव जिल्हा रोलर स्केटिंग असोसिएशनच्या स्केटिंग पटूंनी सुयश मिळविले.

दिनांक 8 ते दिनांक 15 ऑगस्ट या कालावधीत पोलाची कोइंबतूर ( चेन्नई) येथे ही स्पर्धा झाली. यामध्ये सुमारे 13 राज्यातील 800 हून अधिक स्केटिंग पटू सहभागी झाले होते. स्पर्धेत बेळगांव संघाने 6 रौप्य व 2 कांस्य अशी एकूण 8 पदके जिंकली.

बेळगावच्या हिरेन राजने 2 रौप्य, जयध्यान एस राज याने कांस्य, साईराज मेंडके याने कांस्य, खुशी घोटिवरेकर हिने रौप्य, शेफाली शंकरगौडाने रौप्य, सई शिंदे हिने रौप्य तसेच
मुदालसिका मुल्लानीने रौप्यपदक पटकाविले.

या स्केटिंग पटूंना स्केटिंग प्रशिक्षक सूर्यकांत हिंडलगेकर, योगेश कुलकर्णी, विशाल वेसणे, मंजुनाथ मंडोळकर, विठ्ठल गगणे, अनुष्का शंकरगौडा आणि विश्वनाथ येळ्ळूरकर यांचे मार्गदर्शन लाभत आहे.