येळ्ळूर संमेलनाला हजेरी लावणार अभिनेत्री वंदना गुप्ते

बेळगाव : रविवार दिनांक 5 जानेवारी रोजी होणाऱ्या येळ्ळूर ग्रामीण मराठी साहित्य संघ आयोजित 20 व्या साहित्य संमेलनाला अभिनेत्री वंदना गुप्ते उपस्थित राहणार आहेत.
या संमेलनात अभिनेत्री वंदना गुप्ते यांची मुलाखत घेण्यात येणार आहे.

या संमेलनाच्या अध्यक्षपदी प्रा. शरद बावीस्कर राहणार आहेत.
संमेलनाचे हे 20 वे वर्ष आहे. ग्रंथदिंडीने संमेलनाला प्रारंभ होणार असून संमेलनाचे उद्घाटन तालुका म. ए. समितीचे कार्याध्यक्ष आर. एम. चौगुले यांच्या हस्ते करण्यात येणार आहे.
स्वागताध्यक्ष म्हणून माजी ग्रा. पं. उपाध्यक्ष दुदाप्पा बागेवाडी राहणार आहेत.

पाचव्या सत्रात अभिनेत्री वंदना गुप्ते यांची परखड मुलाखत होणार असून यावेळी त्या मनोगत सादर करणार आहेत.
यावेळी मान्यवरांच्या हस्ते साहित्यिक, सामाजिक, शैक्षणिक, क्रीडा आणि कृषी पुरस्काराचे वितरण करण्यात येणार आहे.